Sweeney Todd

Tim Burton zuzendutako pelikula, Stephen Sondheimen musikal homonimoaren zinemarako moldaketa. Tim Burtonek Johnny Deppekin egindako seigarren pelikula da.  Pertsonaiak Benjamin Barker "Sweeney Todd" (Johnny Depp), Nellie Lovett anderea (Helena Bonham Carter), Turpin epailea (Alan Rickman), Beadle Bamford (Timothy Spall), Lucy (Laura Michelle Kelly),  Pirelli (Sacha Baron Cohen) eta Anthony Hope (Jamie Campbell Bower) dira.

Sinopsia:
Benjamin Barker, bidegabekeri batengatik atxilotuta izan zena, munduaren beste izkinara erbesteratu zuten 15 urteetan zehar. Ihes egitea lortzen duenean Londresera doa mendeku bila, bere jaieradun eta obsesiboa den gaizkidearekin batera, Nellie Lovett anderea.


Sweeney Todd ezizenaren atzean ezkutatuta, Barker, bere bizartegi ohiara itzuli egiten da, orain Lovett anderearen enpanada lokalaren gainean dagoena, eta bere helburua ikustatzen du, Turpin epailea, bere jarraitzale  zitalaren laguntzarekin, Beadle Bamford, Barker oso hurrun bidaltzea lortu zutenak  faltsua zen salaketa batekin, bere emazte ederra eta alaba lapurtzeko asmoarekin.

Lovett andereak, Barkeri esaten dio, bere emazteak buruaz beste egin zuela pozoia hartzen, Turpin epaileak hura bortxatzeagatik. Baina bizargin aurkari batek, Pirelli italiar dotorea, Sweeneyren benetako identitatea salatzean mehatxu egitean, hau, italiarra hiltzen du eztarria mozten.

Gorpuarekin zer egin ez jakitean, Lovett andereak, egoera hau apartako aukera bezala ikusten du bere ahuldutako negozioa bultzatzeko. Eta hildakoen gorpuak duten haragia bere enpanadak betetzeko proposamena egiten du...

Iritzia:
Burtonen beste film miragarri bat hasieratik amaierararte, beste zuzendariek ez duten ikuspuntu bat islatzen du, bere erakargarritasun propioa dena. Ez ditut normalean musikalak gustuko, halere honako hau asko gustatu zait gehiegizko abestiak izanda ere. Zuzendaritza artistikoa nabariena izanda ere, aktore guztiak dotore dabiltza filmean. Elementu gotiko eta gogorkeriaren nahastea izugarria da.